Каля Рэчыцы з вады выцягнулі машыну расіян, якая з'ехала ў Дняпро (відэа)

5 чэрвеня ў Рэчыцкім раёне каля вёскі Гарошкаў з Дняпра выцягнулі аўтамабіль Lada. Ратавальнікі для гэтага выкарысталі трос. Як інфармуе прэс-служба МНС Гомельскай вобласці, легкавік з'ехаў у раку з-за таго, што не быў пастаўлены на тормаз, не быў ён зафіксаваны на беразе і іншым чынам. Ніхто з людзей не пацярпеў.

БЕЛТА дадае, што на Дняпры спыніліся на адпачынак грамадзяне Расіі. Трое знаходзіліся ў намёце, а двое — у аўтамабілі. Апошнія паспелі з яго выскачыць, калі раптоўна пачаўся рух да вады. Адзначаецца, што машыну знайшлі на глыбіні 4 метраў у 20 метрах ад берага і ў 10 метрах ад месца, дзе яна трапіла ў раку.