Аматарскае аб'яднанне паэзіі "Ліра" пры Геранёнскім аддзеле культурна-масавай і асвет-ніцкай рабоце існуе з 1995 года. Кіраўнік - Алена Маргяліс.
Актыўным удзельнікам аб'яднання з'яўляецца Алена Яўгенаўна Карпыза. Яе вершы можна прачытаць у зборніку прозы і паэзіі "Іўеўшчына літаратурная", часопісе "Пралеска", "Гродзенскай праўдзе", кнізе "Геранёны" і ў іншых выданнях. Яе бацька, Яўген Мікітавіч Пятроў, таленавіты музыкант, напісаў на вершы дачкі песні "Дзімачка", "Кладачка", "Дзяцінства", "Напішыце маці", "Мамін вальс". А потым і гродзенскія кампазітары Марк Аляксандравіч Копп, Валерый Міхайлавіч Кручкоў сталі супрацоўнічаць з Аленай Яўгенаўнай.
А нядаўна, у дзень нараджэння мясцовай паэткі, адбыўся незвычайны "суд", які па-добраму здзівіў гледачоў. Удзельнікі "судовага разбору", цікавага і вясёлага, рашалі: тварыць Алёне ці не тварыць. Суддзя, адвакат і пракурор мелі розныя погляды на гэта. Прыйшлося гледачам, гасцям даказваць, што "падсудная" можа тварыць: пісаць вершы, рабіць цудоўныя вырабы з саломкі, ствараць сцэнарыі розных свят і г.д.
Яе вершы чыталі ўдзельнікі "Ліры", спявалі яе песні. А падтрымаць Алену Карпыза нават прыехаў народны ансамбль народнай песні "Спадчына" з аграгарадка Лаздуны. Былі выкананы тры песні гераіні вечара. Прэзентацыя выставы вучняў, якія займаліся ў Алены Яўгенаўны, здзівіла многіх гасцей і з раёна, і са сталіцы.
Алене Яўгенаўне споўнілася 50. А яе маме Фаіне Васільеўне Пятровай - 80! Кветкі і падарункі, апладысменты залы, слайд-фільм "Зазірнём у сямейны альбом", песні, гісторыя сям'і і яе знамянальныя падзеі - гэта ўсё прысвячалася цікавым жанчынам.
20 год назад Алена напісала песню маме, якая гучала і сёння.
Милая, родная,
Мама дорогая!
Сохрани пластинку -
Вальс любимый твой,
Пусть не раз звучит он,
Пусть не раз зовет он,
В вальсе закружатся
Внучка и внук твой.
Вальс, вальс, вальс,
Он приглашает нас.
Вальс, вальс, вальс,
В молодость на час.
Вальс, вальс, вальс,
Он нас закружит
Музыкой своей,
Танцы все затмит.
Цёпла і сардэчна павіншавала Алену Карпыза і яе маму Фаіну Васільеўну Пятрову загадчык аддзела народнай творчасці Іўеўскага цэнтра культуры і вольнага часу Лілія Францаўна Кішкель.
Паважаная Алена Яўгенаўна! Няхай кожны дзень прыносіць вам багатыя незабыўныя ўражанні, радасныя падзеі і новыя вершы!
А. СМАЛЯНІЧЭНКА.