У Міёрах гарэў фізкультурна-аздараўленчы комплекс

У Міёрах у Віцебскай вобласці гарэў фізкультурна-аздараўленчы комплекс. Як інфармуе БЕЛТА, здарэнне адбылося раніцай 1 чэрвеня. Узгаранне ліквідавалі каля 30 ратавальнікаў і 8 адзінак спецыяльнай тэхнікі. Яшчэ да прыбыцця супрацоўнікаў МНС была праведзеная эвакуацыя людзей з будынка, у якім было моцнае задымленне (персанал комплексу складае 8 чалавек). Ніхто з людзей не пацярпеў.

Адзначаецца, што тушэнне пажару, які пачаўся на даху, ускладніла металадахоўка. Прычына ўзгарання высвятляецца.

Партал tut.by дадае, што фізкультурна-аздараўленчы комплекс быў адкрыты 8 гадоў таму. У ім ёсць трэнажорныя і гімнастычныя залы, лазня і басейн.