У Светлагорску пяцікласнік выскачыў з акна школы

Надзвычайнае здарэнне адбылося 15 траўня ў чацвёртай школе Светлагорска, паведамляе ranak.me. 11-гадовы хлопчык, вучань пятага класа, выскачыў з акна другога паверха. Інцыдэнт здарыўся ў першай палове дня.

Дзіця даставілі ў лякарню. Яму паставілі дыягназ пералом абедзвюх ступакоў. Медыкі адзначаюць, што траўмаў унутраных органаў, якія часта бываюць пры падзенні з вышыні, у школьніка няма. 

Стан хлопчыка цяпер ацэньваецца як здавальняючы.

У прычынах гэтага скачку разбіраюцца супрацоўнікі міліцыі.