Как прошёл районный субботник на Осиповщине?

Значная ўвага на раённым суботніку, які прайшоў на Асіповіччыне 12 мая, надзялялася сельгаспрадпрыемствам: у гаспадарках працавалі 4 рабочыя групы, якія аб’ядналі 65 чалавек з розных устаноў і арганізацый горада і раёна. Напрыклад, адна з такіх, куды ўваходзіў старшыня раённага Савета дэпутатаў Сяргей Сувееў, райкам прафсаюза АПК, спецыялісты ўпраўлення сельскай гаспадаркі і харчавання і Вяззеўскага сельвыканкама, працавала на малочнатаварнай ферме ААТ “Авангард-Ніва” ў Лучыцах і аказала дапамогу ў абгароджванні жывёлагадоўчага аб’екта.

Паўсюдна праводзіліся работы і па добраўпарадкаванні населеных пунктаў, прывядзенні ў належны стан месцаў пахаванняў часоў Вялікай Айчыннай вайны, мемарыяльных комплексаў, падрыхтоўцы дзіцячых   аздараўленчых лагераў да летняга сезона.

Заробленыя ў гэты дзень землякамі сродкі пойдуць на далейшае добраўпарадкаванне нашых вёсак і аграгарадкоў, рабочага пасёлка Татарка.