У Брэсце на мосце загарэўся тралейбус (фота)

У Брэсце на мосце (на Кобрынскім пуцеправодзе) загарэўся тралейбус. Здарэнне адбылося каля 8-й гадзіны раніцы ў аўторак. Узгаранне, якое ўзнікла ў маторным адсеку, яшчэ да прыезду ратавальнікаў ліквідаваў кіроўца. Ніхто з людзей не пацярпеў.

На мосце з-за здарэння з тралейбусам утварыўся затор. Праз нейкі час транспартны сродак прыбралі з моста і адбуксіравалі для рамонту ў дэпо.

Мяркуецца, што ўзгаранне адбылося з-за кароткага замыкання, інфармуе сайт virtualbrest.by.