Праз гульню да бяспекі

11 мая стартавала рэспубліканская акцыя “Не пакідайце дзяцей саміх!”, прысвечаная Дню сям’і і Дню абароны дзяцей.

У кафэ “Сонейка” было арганізавана сапраўднае свята. Мэтай акцыі стала прыцягненне ўвагі да праблемы дзіцячага свавольства з агнём і гібелі дзяцей на пажарах. Менавіта таму асноўная ўвага была накіравана на навучанне правілам бяспекі.

На ўваходзе гасцей сустракалі актывісты маладзёжных арганізацый і казачны Заяц. Яны запрашалі прахожых прыняць удзел у мерапрыемстве.

Наведвальнікаў чакала насычаная навучальная праграма. Дзеці з вялікім запалам збіралі пазлы, вучыліся тэлефанаваць у службу выратавання, гулялі, вырашалі сітуацыйныя задачы.

За ўдзел дзеці і бацькі атрымалі прызы ад МНС.

Па матэрыялах РАНС.