Пад Мінскам у ДТЗ з трыма транспартнымі сродкамі загінуў чалавек
На месцы здарэння. Фота АДАІ Мінскага раёна
У Мінскім раёне адбылося ДТЗ з удзелам трох транспартных сродкаў. Пры гэтым загінуў чалавек, перадае БЕЛТА са словаў старшага інспектара па агітацыі і прапагандзе АДАІ Мінскага раёна Кацярыны Сільчанка.
Аварыя здарылася сёння каля 11.20 на 356-м км аўтадарогі М1 (Брэст — Мінск — мяжа Расіі). Аўтамабіль "Пежо 406" ехаў у бок Брэста. На перасячэнні аўтадарогі МКАД — Новы Двор — Міханавічы — Пяцеўшчына ён урэзаўся ў трактар "Беларус", які ехаў у спадарожным кірунку па асфальтабетоннай узбочыне з уключаным пробліскавым маячком. Трактар быў пазначаны знакамі "Дарожныя работы" і "Аб'езд перашкоды". Кіраваў ім 49-гадовы работнік ДЭУ-5 РУП "Мінскаўтадар-Цэнтр", ён займаўся ачысткай прыкромкавага латка.
Пры ДТЗ "Пежо" адкінула налева па руху. А пасля гэтага ў трактар і легкавік урэзаўся грузавы "Форд".
На месцы ДТЗ загінуў кіроўца трактара, а кіроўцу "Пежо" з траўмамі даставілі ў медустанову.
Прычыны і абставіны аўтаварыі будуць вызначаныя падчас праверкі.