На Зарэчную – з карэспандэнцыяй
04.04.2018
—
Разное
Мы, жыхары вуліцы Зарэчнай, хочам выказаць сардэчную падзяку чалавеку сціплай, але такой патрэбнай у грамадстве прафесіі (аб якой няшмат гавораць і пішуць), таму, хто першы прыносіць навіны ў масы. Гэта паштальён.
Наш участак абслугоўвае вельмі добры, працавіты, адказны чалавек – Таццяна Храмая. У любое надвор’е яна па дакладна складзеным графіку дастаўляе карэспандэнцыю ў нашы дамы. Як яркі праменьчык сонца з’яўляецца яна на парозе дома. Прыносіць пенсію, прапануе падпісацца на газету. Колькі сіл, энергіі, цяпла, станоўчых эмоцый у гэтай мілай і высакароднай жанчыне! Мы хочам пажадаць Таццяне Вікенцьеўне, каб у яе сэрцы заўсёды гарэла тая іскрынка, якая дае зарад бадзёрасці і дабра.
Жыхары вуліцы Зарэчнай у Стоўбцах