У Брэсце супрацоўнікі ОСВОДа знялі хлопчыка з лёду на рацэ

У Брэсце супрацоўнікі ОСВОДа знялі з лёду на рацэ Мухавец дзіця. Пра гэта агенцтву БЕЛТА распавялі ў абласным савеце Таварыства ратавання на водах (ОСВОД).

Здарэнне адбылося 30 сакавіка каля 14-й гадзіны. Відавочцы паведамілі супрацоўнікам ОСВОДа, што на лёдзе ў раёне Варшаўскага моста знаходзіцца хлопчык. 

Калі ратавальнікі дапбраліся да яго, хлопчык, якому на выгляд каля васьмі гадоў, ужо моцна прамок. Яго даставілі на ратавальную станцыю, напаілі гарбатай і перадалі лекарам з брыгады хуткай дапамогі. 

Далейшай праверкай гэтага факту зоймуцца супрацоўнікі міліцыі.