У паралельны сусвет? Не пытанне! 

У Петрыкаўскі краязнаўчы музей прыбыла вельмі арыгінальная выстава. Наведвальнікаў экспазіцыі чакаюць “Героі беларускіх казак, міфаў і легенд”.

Выстава дапаможа лепш зразумець старажытнае светаўяўленне нашых продкаў, акунуцца ў казачны свет звышнатуральнага.

Жэўжык і еўнік, шатуны, злыдні і шмат іншых істот прадстаўлены ў графічных работах і скульптурах. Акрамя гэтага наведвальнікі маюць магчымасць лепш пазнаёміцца з персанажамі ў камп’ютарнай гульні праз акуляры віртуальнай рэальнасці.

Арцём ГУСЕЎ.

Фота аўтара.