З’явіліся здымкі з месца выбуху ў будынку ў Дзяржынскім раёне

З’явіліся здымкі з месца выбуху ў аднапавярховым будынку ў Дзяржынскім раёне. Здарэнне адбылося 23 сакавіка пасля 15-й гадзіны ў вёсцы Станькава. Частка цаглянага будынка ў выніку выбуху абрынулася. Пацярпелі двое мужчын, якіх завезлі ў бальніцу. Пагрозы для іх жыцця няма.

Як паведаміла БЕЛТА афіцыйная прадстаўніца УСК па Мінскай вобласці Таццяна Беланог, на месцы здарэння працуюць следчыя, выбухатэхнікі і спецыялісты МНС. Вядома, што будынак знаходзіцца на тэрыторыі былой вайсковай часткі. Прычына выбуху пакуль невядомая.