Паводка на Нёмане падтапіла 36 падворкаў на Стаўбцоўшчыне

Паводка на Нёмане падтапіла 27 падворкаў у вёсцы Новы Свержань Стаўбцоўскага раёна і дзевяць падворкаў у саміх Стоўбцах, паведамляе прэс-служба Міністэрства па надзвычайных сітуацыях. 

Жыццядзейнасць людзей не парушаная, дадаюць ратавальнікі. Эвакуацыя жыхароў не патрабуецца.

Паводку на Нёмане супрацоўнікі МНС знялі на відэа з дапамогай квадракоптара. 

Ратавальнікі вядуць пастаянны маніторынг узроўню вады ў Нёмане і зоны падтаплення.