У Гомельскай вобласці выявілі 19 фактаў падробкі дакументаў кіроўцы

У Гомельскай вобласці з пачатку 2018 года супрацоўнікі ДАІ выявілі 19 фактаў падробкі дакументаў кіроўцы. Па 8 з іх распачалі крымінальныя справы, паведамляе сайт sb.by.

Калі ў ДАІшнікаў выклікаюць падазрэнне дакументы, напрыклад, пячатка на сертыфікаце аб праходжанні дзяржаўнага тэхагляду, яны перадаюць іх на экспертызу. У шэрагу выпадкаў эксперт пацвярджае: пячатка падробленая. Уладальніку такога дакумента пагражаюць грамадскія працы, штраф, альбо абмежаванне волі на тэрмін да 2 гадоў.