У Пінску адзінаццацікласніца трапіла пад аўто, калі ішла па праезнай частцы

Увечары 22 лютага ў Пінску 17-гадовая дзяўчына трапіла пад аўтамабіль, паведамляе gaibrest.by.

Здарэнне адбылося насупраць сквера "Партызан". 46-гадовы пінчук на аўтамабілі "Форд Гэлаксі" ехаў па дарозе ад ДК "Трыкатажнік" у напрамку вуліцы Першамайскай. Каля сквера "Партызан" ён збіў адзінаццацікласніцу, якая ішла па праезнай частцы, пазначыўшы сябе святлоадбіўнымі элементамі. 
Пры ДТЗ дзяўчынка атрымала цялесныя траўмы. Яе шпіталізавалі ў нейрахірургічнае аддзяленне Пінскай гарадской лякарні. 

Па факце ДТЗ праводзіцца праверка.