У Мінску сутыкнуліся трамвай і легкавік

Дапамога ратавальнікаў спатрэбілася пры ДТЗ, якое адбылося 4 лютага каля 22-й гадзіны ў Мінску на вуліцы Якуба Коласа, інфармуе прэс-служба МНС. 

Пра інцыдэнт ратавальнікам паведамілі відавочцы, затэлефанаваўшы на нумар 101. На месцы здарэння выявілая, што на праезнай частцы стукнуліся легкавы аўтамабіль "Нісан Альмера" і трамвай, які рухаўся па маршруце №1 "Зялёны Луг — плошча Мяснікова".

Кіроўцу "Нісана" ратавальнікам давялося дэблакаваць з дапамогай аварыйна-выратавальнага інструменту. Медыкі шпіталізавалі яго ў цяжкім стане.