Авіярэйс з Масквы ў Мінск затрымалі — спрацавала пажарная сігналізацыя

Спецыялісты высвятляюць прычыну спрацоўвання пажарнай сігналізацыі на самалёце авіякампаніі UTair, які ляцеў з Масквы ў Мінск, паведамляе БЕЛТА са спасылкай на інфармагентцвы.

Пасля таго як на борце спрацавала пажарная сігналізацыя, экіпаж вырашыў вярнуцца ў аэрапорт Унукава. Самалёт удала прызямліўся, слядоў узгарання не знайшлі. Пазней рэйс усё ж вылецеў у беларускую сталіцу.

На некалькі гадзінаў затрымалі і адваротны рэйс гэтай авіякампаніі.