Каля Жабінкі спынялі рух цягнікоў, там знайшлі муляж выбуховага прыстасавання
02.02.2018 14:24
—
Разное
Здымак з архіву. Фота: ria.ru
Каля Жабінкі спынялі рух цягнікоў, там знайшлі муляж выбуховага прыстасавання. Здарэнне адбылося раніцай 1 лютага. Падазроны прадмет, які ляжаў паміж рэйкамі, заўважыў манцёр. На муляжы быў надпіс “Вучэбная”. Начальнік чыгуначнай станцыі паведаміў пра знаходку ў міліцыю.
На месца з Брэста прыязджалі сапёры. Снарад аказаўся 125-міліметровым артылерыйскім вучэбна-трэніровачным. Ніякай выбухоўкі ў ім не было. Як інфармуе сайт sb.by, затрымка ў руху цягнікоў склала амаль паўтары гадзіны. Цяпер высвятляецца, якім чынам муляж трапіў на чыгунку.