У Брэсце 78-гадовы кіроўца збіў школьніка на “зебры”

У Брэсце школьнік трапіў пад колы “Фольксвагена Пола”. Як перадае прэс-служба Брэсцкай абласной ДАІ, здарэнне адбылося ўвечары 27 студзеня. 12-гадовы падлетак пераходзіў дарогу па “зебры” на скрыжаванні праспекта Партызанскага з вуліцай Маладагвардзейскай, калі яго збілі.

Кіроўцы “Фольксвагена” 78 гадоў. Цяпер ДАІ высвятляе абставіны аварыі. Пацярпелы школьнік атрымаў розныя траўмы і быў дастаўлены ў лякарню.