У Вілейцы на пажары эвакуявалі 45 дзяцей (фота)

У Вілейцы на пажары эвакуявалі 60 чалавек, у тым ліку 45 дзяцей. Здарэнне адбылося 24 студзеня ў дзённыя гадзіны ў будынку школы-інтэрната для дзяцей з цяжкім парушэннем мовы. Ніхто не пацярпеў.

Пажар у падвале спальнага корпуса быў ліквідаваны ратавальнікамі. Агонь паспеў пашкодзіць стол, былі закураныя сцены. Мяркуецца, што ўзгаранне адбылося з-за пакінутага без нагляду ўключанага электракіпяцільніка, інфармуе прэс-служба МНС.