Аўтамабіль у Мачулішчах збіў дзяўчынку, якая перабягала дарогу

У пасёлку Мачулішчы пад Мінскам легкавік збіў 14-гадовую дзяўчынку. Пра гэтае ДТЗ агенцтву БЕЛТА паведаміла старшы інспектар па агітацыі і прапагандзе аддзела ДАІ Мінскага раёна Кацярына Сільчанка.

Здарэнне адбылося зранку 10 студзеня. На вуліцы Гвардзейскай аўтамабіль Citroen Xsara збіў дзяўчынку, якая перабягала праезную частку не па пешаходным пераходзе. Непаўналетняя дзяўчынка атрымала траўмы і была дастаўленая ў шпіталь.

Па факце ДТЗ вядзецца праверка.