Аэрапорт “Барыспаль” не працаваў з-за самалёта “Белавіі”, які сышоў з паласы

Кіеўскі аэрапорт “Барыспаль” нейкі час не працаваў з-за самалёта “Белавіі”, які сышоў з узлётна-пасадачнай паласы. Прыём і адпраўка рэйсаў была спынена, на цяперашні момант яе ўжо аднавілі. Украінскія СМІ пішуць, што ў самалёта “Белавіі” маглі быць праблемы з шасі. У аэрапорце сітуацыю пакуль не каментуюць. Сайт tsn.ua піша, што вылет самалёта “Белавіі” ў Мінск адбудзецца сёння ўдзень.