У чацвер па большай частцы Беларусі чакаецца мокры снег і дождж

Воблачнае з праясненнямі надвор'е чакаецца ў Беларусі 7 снежня. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы пераважна па паўднёвым захадзе краіны, а днём на большай частцы тэрыторыі пройдуць ападкі ў выглядзе дажджу і мокрага снегу. Месцамі магчымыя слабыя туман і галалёд, на асобных участках дарог галалёдзіца. Вецер чакаецца заходні, паўднёва-заходні 4-9 метраў за секунду, па паўднёвым захадзе — парывы да 14 метраў за секунду.

Слупок тэрмометра ўначы пакажа 4-5 градусаў ніжэй за нуль. На працягу сутак па Беларусі будзе ад -3 да +3 градусаў, па паўднёвым захадзе прагназуецца 4-6 градусаў цяпла.