На пажары ў сталічным мікрараёне Лябяжы эвакуявалі 25 чалавек

На пажары ў сталічным мікрараёне Лябяжы эвакуявалі 25 чалавек. Як паведамляе прэс-служба МНС у сваім Твітэры, узгаранне адбылося ўвечары 2 снежня ў адным з дамоў па вуліцы Мястроўскай. Загарэлася кватэра на другім паверсе.

Пажар патушылі ў 20.02. Пацярпелых няма. Як сведчаць фотаздымкі з месца здарэння, кватэра значна пашкоджаная агнём.