Гродзенскі кіроўца аўтобуса, які скокнуў з моста, у лякарні ў цяжкім стане

Кіроўца аўтобуса з Гродна, які напярэдадні раўпоўна скокнуў у ваду з высокага моста, знаходзіцца ў лякарні ў цяжкім стане. Як паведамляе TUT.by, 57-гадовы мужчына на імя Сяргей зламаў рэбры, скокнуўшы ў ваду.

Калегі Сяргея не могуць зразумець, што стала прычынай такога ўчынку. Пра яго кажуць, што ён узорны кіроўца і мае спакойны характар. Таксама іншыя кіроўцы адзначаюць: у дзень здарэння Сяргей выглядаў моцна заспаным і, магчыма, не паспеў адпачыць пасля папярэдняй змены.

Кіроўцы скардзяцца, што ім часта даводзіцца перапрацоўваць, бо ў аўтапарку не хапае людзей.