Двух дзяцей, якія атруціліся ў Светлагорску, адправілі ў Гомель у цяжкім стане
Фота: pixabay.com
Двух з пяцярых дзяцей, якія атруціліся ў санаторыі Светлагорскага раёна, адправілі ў Гомель. Пра гэта паведамляе тэлеканал СТВ.
Як распавядала Еўрарадыё, пяць падлеткаў 10-15 гадоў атрымалі моцнае атручанне ў адным з санаторыяй Светлагорскага раёна. Мяркуецца, што дзеці выпілі нейкі сродак ад насякомых. Усіх іх шпіталізавалі ў раённую лякарню.
Паводле інфармацыі СТВ, праз пяць гадзін пасля паступлення ў лякарню ўсе дзеці былі ў прытомнасці. Але казаць пра паляпшэнне іх стану пакуль заўчасна.
Двух найбольш пацярпелых лекары вырашылі адправіць у Гомель на рэанімабілях, якія прыбылі па падлеткаў.
Паводле новых звестак, школьнікі хутчэй за ўсё выпілі вадкасць для барацьбы з вошамі, так званую чамярычную ваду.
Праверкай здарэння зоймецца міліцыя.