У Мінскай вобласці на пажарах загінула два чалавекі

У суботу раніцай на пажарах у Мінскай вобласці загінула два чалавекі. Першае здарэнне адбылося ў вёсцы Гаравец Лагойскага раёна — выклік у дзяжурную частку паступіў у 5.26. Гарэў жылы дом, ахвярай стаў яго гаспадар. Прычына ўзгарання высвятляецца.

У той жа дзень у 9.08 на лінію 101 паступіла інфармацыя пра пажар у жылым доме вёскі Юржышкі Валожынскага раёна. Таксама загінуў гаспадар.

Усяго ў вобласці адбылося пяць пажараў, паведамляе прэс-служба Мінскага абласнога ўпраўлення МНС.