У Мінску мужчына вырабляў на балконе феерверк і атрымаў траўмы

У Мінску 36-гадовы мужчына самастойна вырабляў на балконе феерверк і атрымаў траўмы. Здарэнне адбылося ўвечары 21 чэрвеня. Гаручая вадкасць, якую выкарыстоўваў мінчук, загарэлася. Была пашкоджана аконная рама, яе аскепкі патрапілі ў прыпаркаваныя каля дома аўтамабілі. Мужчыну шпіталізавалі.

Як паведаміў БЕЛТА афіцыйны прадстаўнік УСК па г. Мінску Аляксей Клімовіч, па факце траўмавання мужчыны праводзіцца праверка, апытваюцца яго сваякі, суседзі, відавочцы, прызначаны экспертызы.