У Мінску жанчына кінулася пад электрычку, знайшлі перадсмяротную запіску

У сталіцы жанчына кінулася пад электрычку “Мінск — Асіповічы” і загінула. Здарэнне адбылося каля 16.30 у сераду, 31 траўня, у раёне чыгуначнай станцыі Мінск-Паўднёвы. Паводле папярэдняй інфармацыі, гэта быў суіцыд. 68-гадовая жанчына мела з сабой перадсмяротную запіску.

Як паведаміў БЕЛТА афіцыйны прадстаўнік УСК па Мінску Аляксей Клімовіч, праводзіцца даследчая праверка па факце гібелі жанчыны, прызначаны экспертызы. Праваахоўнікі апытваюць работнікаў электрацягніка, відавочцаў трагічнага здарэння.