Першы дзень лета ў Беларусі будзе дажджлівым

1 чэрвеня ў Беларусі прагназуецца воблачнае з праясненнямі надвор'е. Пра гэта агенцтву БЕЛТА паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы па поўначы, а зранку і ўдзень на большай частцы тэрыторыі краіны чакаюцца кароткачасовыя дажджы. У асобных раёнах удзень прагрымяць навальніцы. Вецер будзе заходні, паўночна-заходні 6-11 метраў за секунду, парывы ​​да 14 метраў за секунду.

Уначы слупок тэрмометра пакажа ад 7 да 13 градусаў цяпла. Удзень прагназуецца +14...+20 градусаў.