Уначы ў Мінску грузавік з літоўскімі нумарамі пратараніў тралейбус (фота)

Уначы ў Мінску грузавік з літоўскімі нумарамі пратараніў тралейбус. Здарэнне адбылося 31 траўня на вуліцы Каліноўскага. На шчасце, у тралейбусе не было пасажыраў — пасля змены ён ехаў у парк. Пацярпеў кіроўца грузавіка Iveco, якога з разбітай кабіны вызвалялі ратавальнікі. Мужчыну, які атрымаў чэрапна-мазгавую траўму і рваную рану твару, шпіталізавалі ў абласную бальніцу, інфармуе прэс-служба МНС.

Тралейбус і грузавік ехалі ў спадарожным накірунку. Сайт abw.by не выключае, што кіроўца грузавіка (а ён ехаў з Літвы) заснуў.