Грамадзянін Латвіі ехаў у Беларусь з арсеналам часоў вайны

Грамадзянін Латвіі ехаў у Беларусь з арсеналам часоў Другой сусветнай вайны. Здарэнне адбылося ўдзень 25 траўня ў пункце пропуску “Урбаны”. Як паведамляе прэс-служба Дзяржаўнага мытнага камітэта нашай краіны, у аўтамабілі Renault 51-гадовы мужчына вёз патроны, бінокль, наканечнік ад снарада, гільзы ад ракетніцы, іншыя рэчы, а таксама карту мясцовасці, дзе вяліся раскопкі.

Замежніка перадалі супрацоўнікам браслаўскай міліцыі, якія правядуць далейшае разбіральніцтва.