Слонімскаму падлетку не выставілі абвінавачанне ў забойстве дзеда і бабулі
Фота: ctv.by
16-гадовага падлетка, якога падазраюць у забойстве дзеда і бабулі ў Слоніме, ўзялі пад варту. Абвінавачанне яму яшчэ не выстаўленае — ён застаецца ў статусе падазраванага. Пра гэта паведаміла афіцыйны прадстаўнік Следчага камітэта Юлія Ганчарова, піша "Советская Белоруссия".
Расследаванне нашумелай крымінальнай справы працягваецца.
Раней паведамлялася, што скульптура Леаніда Богдана і яго жонку, нібыта, забіў унук пасля заўвагі пра электронную цыгарэту.
"Інфармацыя пра тое, што злачынства нібыта было здзейсненае з-за электроннай цыгарэты, не адпавядае рэчаіснасці. З улікам таго, што падлетак дапытаны і праведзена праверка паказанняў на месцы злачынства, можна казаць аб цэлым комплексе прычын. Канфлікт, які развіваўся, быў досыць доўгім. І сказаць, што падставай паслужыла менавіта электронная цыгарэта, будзе няслушным", — пракаментавала Юлія Ганчарова.
Афіцыйная прадстаўніца СК паведаміла, што падчас праверкі паказанняў на месцы злачынства падлетак паказаў, як забіў сваякоў.
Цяпер следчыя праводзяць допыты сведкаў: педагогаў, сяброў і знаёмых падазраванага. Прызначаны шэраг экспертыз — судова-медыцынская, крыміналістычная і комплексная псіхолага-псіхіятрычная.