24 красавіка ў Беларусі прагназуюць да 12 градусаў цяпла

Пераменная воблачнасць чакаецца ў Беларусі 24 красавіка, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы будзе пераважна без ападкаў, днём у асобных раёнах пройдуць невялікія кароткачасовыя ападкі, пераважна дождж. Зранку месцамі магчымы слабы туман. Вецер будзе заходні ўмераны.

Уначы прагназуецца ад 5 градусаў марозу да 1 градуса цяпла. Удзень слупок тэрмометра падымецца да 12 градусаў.