Сёлета былі чатыры непраўдзівыя паведамленні пра небяспеку ў мінскім метро

Сёлета былі чатыры непраўдзівыя паведамленні пра небяспеку ў мінскім метро. У адным выпадку распачалі крымінальную справу, у трох іншых праводзіцца даследчая праверка, інфармуе прэс-служба Мінскага метрапалітэна. Крымінальную справу распачалі ў адносінах мужчыны, які “пажартаваў” 19 сакавіка. На станцыі метро “Спартыўная” ён паведаміў ахове пра “выбуховае прыстасаванне”, якога ў яго не было. Яму пагражае штраф, арышт на тэрмін да шасці месяцаў, ці абмежаванне волі на тэрмін да трох гадоў, альбо пазбаўленне волі — да 5 гадоў.

У 2016 годзе было зарэгістравана 11 злачынстваў, звязаных з непраўдзівымі паведамленнямі пра небяспеку ў сталічным метро.