23 лютага ў Беларусі чакаюцца моцны вецер і кароткачасовыя ападкі
Фота: БЕЛТА
23 лютага ў Беларусі чакаецца воблачнае з праясненнямі надвор'е, інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
На значнай частцы тэрыторыі краіны пройдуць кароткачасовыя ападкі ў выглядзе мокрага снегу і дажджу. Уначы і зранку магчымы слабы галалёд, на асобных участках дарогах — галалёдзіца.
Вецер чакаецца заходні 6-11 метраў за секунду, раніцай і днём на большай частцы тэрыторыі магчымыя парывы да 15-20 метраў за секунду. У сувязі з узмацненнем ветру сіноптыкі абвясцілі ў Беларусі аранжавы ўзровень небяспекі.
Слупок тэрмометра ўначы будзе паказваць ад -2 да +4 градусаў, па паўночным усходзе чакаецца да 4 градусаў марозу. Удзень будзе 1-7 градусаў вышэй за нуль.