За забойства былой жонкі мінчука асудзілі на 11 гадоў пазбаўлення волі
Фота: ria.ru
За забойства былой жонкі мінчука асудзілі на 11 гадоў пазбаўлення волі. Гэты тэрмін ён правядзе ў калоніі ўзмоцненага рэжыму. Такое рашэнне прыняў суд Партызанскага раёна Мінска, інфармуе БЕЛТА.
Як вядома, труп жанчыны з прыкметамі гвалтоўнай смерці быў знойдзены ў канцы верасня 2016-га ў спартыўнай сумцы ў Вілейскім водасховішчы ў 300 метрах ад берага. З цяжкасцю ўдалося высветліць, што гэта жыхарка сталіцы, 1974 года нараджэння, якая знікла ў траўні 2013 года. Усе гэтыя гады цела жанчыны знаходзілая ў вадзе. Па падазрэнню ў здзяйсненні забойства быў затрыманы былы яе муж, 1971 года нараджэння. Ён прызнаўся ў здзяйсненні забойства.
На судзе мужчына распавёў, што былая жонка прыйшла да яго ў гараж, яна знаходзілася ў нецвярозым стане. У іх узнік канфлікт — мужчына распавёў, што стварыў новую сям'ю, а жанчына, нібыта, выказала пагрозы на адрас яго новай жонкі. Ён ударыў яе некалькі разоў металічным прадметам па галаве, а пасля задушыў вяроўкай. Цела вывез у лес у Чэрвеньскі раён, а праз месяц перавёз яго ў Вілейскае водасховішча.