Беларуса не пусцілі ў Літву з-за савецкай сімволікі на аўтамабілі
10.01.2017 15:46
—
Разное
Здымак з архіву.
Беларуса не пусцілі ў Літву з-за савецкай сімволікі на аўтамабілі. Здарэнне адбылося ў панядзелак. 21-гадовы грамадзянін Беларусі збіраўся ўехаць на літоўскую тэрыторыю на Peugeot 405 праз кантрольна-прапускны пункт Райгардас. На заднім шкле аўтамабіля памежнікі пабачылі налепленую пяціканцовую зорку з сярпом і молатам.
Як інфармуе Delfi са спасылкай на Службу аховы дзяржмяжы Літвы, беларус адмовіўся зняць налепку. Пасля гэтага яму было адмоўлена ва ўездзе ў Літву, і ён вярнуўся ў Беларусь.