На МКАД легкавік сутыкнуўся з асвятляльнай мачтай, трое пацярпелых

На МКАД з боку вуліцы Ілімскай легкавік сутыкнуўся з асвятляльнай мачтай. Здарэнне адбылося 1 студзеня. 28-гадовы вадзіцель аўтамабіля "Фольксваген Пасат" не саўладаў з кіраваннем. Як паведаміў БЕЛТА начальнік аддзела па агітацыі і прапагандзе УДАІ ГУУС Мінгарвыканкама Сяргей Заранік, паводле папярэдняй інфармацыі, кіроўца быў у стане алкагольнага ап'янення.

У легкавіку было 5 чалавек. Трое пасажыраў пацярпелі, у іх цяжкія траўмы. Верагодна, яны таксама былі ў стане алкагольнага ап'янення. Кіроўца аўтамабіля не пацярпеў. ДАІ праводзіць праверку.