На заводзе ў Рэчыцы руку рабочага зацягнула ў цвіковы аўтамат

На метызным заводзе ў Рэчыцы руку рабочага зацягнула ў цвіковы аўтамат. Як піша газета "Дняпровец". здарэнне адбылося ўначы 27 снежня (мужчына працаваў у трэцюю змену). Рабочы наладжваў цвіковы аўтамат, на якім зняў абарончы кажух. Яго правую руку зацягнула разам са спецадзеннем.  

Мужчына атрымаў пашкоджанні, яму аказалі першую меддапамогу і шпіталізавалі з падазрэннем на пералом. Стан пацярпелага ацэньваецца як стабільны.

На прадпрыемстве расследуюць гэты няшчасны выпадак.