Фотафакт: Кіроўца МАЗа адарваў кузаў на трасе М1

Кіроўца МАЗа адарваў кузаў на трасе М1 у Мінскім раёне. Здарэнне адбылося каля 13-й гадзіны ў панядзелак, 28 лістапада. Кузаў зачапіўся за пуцеправод. У выніку, і пуцеправод, і аўтамабіль атрымалі механічныя пашкоджанні.

Як паведаміла БЕЛТА старшы інспектар па агітацыі і прапагандзе аддзела ДАІ УУС Мінскага райвыканкама Кацярына Сільчанка, кіроўца МАЗа ехаў у накірунку аўтадарогі Р23 і быў няўважлівы, з-за чаго і стварыў небяспеку для руху.

Пацярпелых у ДТЗ не было.