У Мінску жыхары пад'езда паўгода прымалі бяздомнага за работніка ЖЭС

Трагікамічная гісторыя адбылася ў Фрунзенскім раёне Мінска. У адным з жылых дамоў на вуліцы Лынькова, як пішуць "Мінск-Навіны", пры пажары ў пад'ездзе каля сметніцы загінуў бяздомны мужчына. Пазней высветлілася, што бяздомны пасяліўся ў пад'ездзе амаль паўгода таму. Пры гэтым самі жыхары думалі, быццам гэта работнік ЖЭС, які займаецца уборкай.

Дом належыць таварыству ўласнікаў. Як заявіў старшыня праўлення таварыства, ён увогуле не ведаў пра гэтую сітуацыю.