Хлопец зняў з карткі бабулінага мужа ўсе грошы і набыў запчасткі на матацыкл

У Мінску затрымалі 17-гадовага хлопца, якога падазраюць у выкраданні чужой банкаўскай карткі і зняцці з яе грашовых сродкаў. У Цэнтральны РУУС звярнуўся пажылы мужчына, гаспадар карткі — ён жыве грамадзянскім шлюбам з бабулей хлопца. Аднойчы хлопец прыйшоў да бабулі ў госці, пасля чаго картка і знікла. Юнак трапіў пад падазрэнне.

Як высветлілася, хлопец зняў з яе ўсе грошы ў адным з банкаў, а на атрыманыя сродкі набыў запчасткі для свайго матацыкла.

Міліцыя кваліфікавала такія дзеянні паводле ч.1 арт.212 КК (раскраданне шляхам выкарыстання кампутарнай тэхнікі). Хлопцу пагражае да 3 гадоў зняволення, паведамляе прэс-служба ГУУС Мінгарвыканкама.