Пры крушэнні цягніка ў Нью-Джэрсі загінулі тры чалавекі
Фота: cnn.com
Не менш чым тры чалавекі загінулі ў выніку сутыкнення пасажырскага цягніка з платформай на чыгуначнай станцыі горада Хабокен. Яшчэ больш за 100 чалавек атрымалі траўмы. Стан некаторых пацярпелых ацэньваецца як крытычны, паведамляе амерыканскі тэлеканал CNBC.
Улады амерыканскага штата Нью-Джэрсі агучылі першыя версіі здарэння. Як сказаў губернатар Крыс Крысці, пакуль няма падстаў меркаваць, што крушэнне цягніка ў Нью-Джэрсі магло быць наўмыснай атакай.
Здарэнне адбылося раніцай 29 верасня. Цягнік урэзаўся ў платформу на вакзале ў горадзе Хабокен. Па словах відавочцаў, падчас прыбыцця на вакзал цягнік не знізіў хуткасць і не затармазіў.
Паводле папярэдняй інфармацыі, сярод загінулых машыніст цягніка. Не выключана, што яму стала дрэнна, і ён не змог кіраваць цягніком. Магчыма, гэта быў сардэчны прыступ. Пра гэта журналістам распавёў супрацоўнік чыгуначнай кампаніі NJ Transit Майк Ларсан.