Знойдзены мёртвым апазіцыянер Томас Якавіцкі. Магчыма, ён быў забіты
Фота: svaboda.org
У Магілёве памёр актывіст кааліцыі “Еўрапейская Беларусь” Томас Якавіцкі. Да свайго 50-гадовага юбілею ён не дажыў месяц.
Родныя знайшлі Якавіцкага памерлым раніцай 24 верасня, паведамляе svaboda.org. Паводле папярэдніяй інфармацыі, смерць была гвалтоўнай. Паведамляецца таксама, што падазраваны ў смерці актывіста затрыманы.
Томас Якавіцкі нарадзіўся 25 кастрычніка 1966-га году ў Магілёве. Ён быў адным з пачынальнікаў мотаспорту ў горадзе.
Томас Якавіцкі быў адным з арганізатараў салютаў дзеля падтрымкі нявольнікаў магілёўскай калоніі Андрэя Саннікава ды Змітра Бандарэнкі. Удзельнічаў у акцыі пратэсту 19 снежня 2010-га году.
Якавіцкі меў свой бізнес, ён займаўся рамонтам машын. Незадоўга да смерці бізнес збанкрутаваўся.
Томаса Якавіцкага пахаваюць 25 верасня на Паўднёва-Усходніх могілках абласнога цэнтру.