У Мінску жанчына-кіроўца пашкодзіла на паркоўцы 5 аўтамабіляў (фота)

У Мінску 55-гадовая жанчына-кіроўца пашкодзіла на паркоўцы 5 аўтамабіляў. Замест таго, каб спыніцца, яна націснула на педаль газу.

Як паведаміла БЕЛТА старшы інспектар па агітацыі і прапагандзе Цэнтральнага РУУС Анастасія Радзько, здарэнне адбылося ўдзень у сераду на паркоўцы па вуліцы Ржавецкай. Жанчына выязджала з яе на Mazda CX-5. Спачатку яна зачапіла таксоўку, яна спынілася, каб прапусціць яе аўтамабіль. Пасля былі пашкоджаныя яшчэ некалькі легкавікоў (два Volvo, BMW 5-Series, Kia Sportage). Ніхто з людзей не пацярпеў.

Адзначаецца, што кіроўца мае невялікі вадзіцельскі стаж —— менш за паўгода.