Фотафакт: у Мінску выявілі крыніцу іанізуючага выпраменьвання

У Мінску выявілі крыніцу іанізуючага выпраменьвання. Здарэнне адбылося ўвечары 15 жніўня. Цыліндрычны прадмет з абазначэннем "Радыяцыйная небяспека" знайшоў прахожы ў зялёнай зоне на вуліцы Янкі Лучыны.

Як інфармуе прэс-служба Міністэрства па надзвычайных сітуацыях, на месца прыехалі ратавальнікі. Работнікі рэспубліканскага атрада спецыяльнага прызначэння МНС правялі замеры магутнасці эквівалентнай дозы непасрэдна ля паверхні. Яна склала 2 мкЗв/гадз пры норме 0,2 мкЗв/гадз. На адлегласці 1 метра радыяцыйны фон быў у норме. Знойдзены прадмет забралі.

Адзначаецца, што пацярпелых і пагрозы радыяцыйнага забруджвання навакольнага асяроддзя няма.