Відэа, як мужчына спрабаваў падпаліць калонку на АЗС у Мінску

У Мінску на тэрыторыі аўтазаправачнай станцыі па вуліцы Ваўпшасава 64-гадовы мужчына спрабаваў падпаліць калонку. Здарэнне адбылося яшчэ 31 ліпеня. Пра яго прэс-служба Следчага камітэта паведаміла ў пятніцу. Адзначаецца, што зламыснік зліў з крана паліва на асфальт і падпаліў яго. Пасля гэтага мужчыну затрымалі супрацоўнікі АЗС.

Як інфармуе афіцыйны прадстаўнік УСК па Мінску Аляксей Клімовіч, у адносінах затрыманага распачалі крымінальную справу. Праводзіцца расследаванне, прызначаныя экспертызы. Падазраваны застаецца пад вартай.