Болей за 100 населеных пунктаў Міншчыны пацярпелі ад чарговай буры

Болей за сотню населеных пунктаў у Мінскай вобласці пацярпелі ад навальніцы з моцнымі залевамі і шквалістым ветрам, якая прайшла па рэгіёне ўвечары, 29 ліпеня. 137 населеных пунктаў у 11 раёнах былі адключаныя ад электразабеспячэння, па стане на 6.00 суботы, 30 ліпеня, без электрычнасці заставаліся 11 населеных пунктаў.

Шквалісты вецер пашкодзіў 14 аб’ектаў у Любанскім і Стаўбцоўскім раёнах — гэта жылыя дамы, два аб’екты сацкультбыту, шэсць сельскагаспадарчых будынкаў.

Пры гэтым усё яшчэ працягваецца ліквідацыя наступстваў іншых бураў, якія прайшлі з 11 па 28 ліпеня, паведамляе Мінскае абласное ўпраўленне МНС.