У мінскай Серабранцы ў кватэры знайшлі труп жанчыны

У мінскай Серабранцы ў кватэры дома па праспекце Ракасоўскага 10 ліпеня знайшлі труп жанчыны. Як высветліла судова-медыцынская экспертыза, яна загінула ад чэрапна-мазгавой траўмы.

Папярэдне высветлена, што 6 ліпеня падчас сваркі яе збіў мінчанін 1972 года нараджэння. Падазраваны ў нанясенні цяжкіх цялесных пашкоджанняў затрыманы, інфармуе прэс-служба Міністэрства ўнутраных справаў.

Загінулай жанчыне было 49 гадоў.